أهلا شباب،
انهاردة هنتكلم عن موقع عمل طفرة في مجال العمل الحر في الوطن العربي، هو النسخة العربية لموقع فايفر، اللي ساعد شباب كتير جدا على مستوى الوطن العربي انهم يبدأوا العمل الخاص بيهم على الانترنت
موقع خمسات بيقدم تجربة رائعة لكل من البائع والمشتري، واللي بيضمن حق الاتنين بشكل قاطع وهو أمر لو تعلمون عظيم. المستقلين اللي قدموا أعمال من خلال الانترنت عارفين كويس جدا ا نه دائما في عنده قلق من ناحية العميل في انه ياخد الشغل وما يدفعش او يتأخر في تسديد الفلوس، كذلك طالب الخدمة دائما عنده قلق من عدم التزام المستقل من حيث جودة العمل او الوقت المحدد. ومن هنا قدر موقع خمسات انه يحقق المعادلة الصعبة دي بلسان عربي.
من بعد تجربة موقع خمسات، ظهرت الكثير من المنصات المشابهة ولكن معظمها لم ينجح بس قلة الدعم وسوء الإدارة. ودا اللي بيتميز بيه موقع خمسات من حيث الدعم الفني على مدار ٢٤ ساعة واللي بيتميز بالكفاءة العالية
من الخدمات اللي ممكن تحصل عليها من خلال موقع خمسات:
- خدمات التصميم
- خدمات الفيديو
- خدمات الكتابة والترجمة
- خدمات التصوير
- خدمات البرمجة
- خدمات صناعة المواقع
وغيرها كتير جدا من الخدمات اللي بتبدأ معظمها من خمسة دولار. ممكن تسجل في الموقع من اللينك دا
من الجدير بالذكر ان صناع موقع خمسات، هم نفسهم صناع موقع مستقل واللي اتكلمنا عنه في تدوينه منفصلة تقدر تقرأها من هنا.
Comments
Post a Comment