اهلا شباب،
انهاردة هنرجع بعد غياب فترة كبيرة ونتكلم عن موقع عربي كبير حل مشاكل كتيرة كانت بتواجهنا كعرب (غير ناطقين بالإنجليزية) أثناء بحثنا عن أشخاص نقدر نوظفهم عشان يعملوا وظيفة معينة.
الوظيفة دي ممكن تكون حاجة احنا ما بنعرفش نعملها، أو حاجة بنعرف نعملها بس لضيق الوقت مضطرين نوظف حد بدلنا.
موقع مستقل يعتبر الموقع العربي الأول اللي قدر انه يحل العقدة دي ووفرلنا الوقت والمجهود اللي كان كتير مننا بيعاني فيه انه يلاقي حد بيتكلم بالعربي ويقدر يتواصل معاه بشكل احترافي.
مستقل منصة بيتجمع فيها المستقلين ومعلنين الوظائف من جميع أنحاء الوطن العربي. وكمان بيقدر يوفر طرق دفع آمنة تماما ويضمن حق البائع والمشتري.
في المقابل، موقع مستقل بياخد نسبة ٢٠٪ من كل عمليه بتتم من خلاله، واللي كتير مننا بيشوف انها بتاكل من حق المستقل. ولكن في المقابل، فكر كدا معايا لو انت بتتواصل مع واحد انت ماتعرفوش خارح المنصة وعملتله شغل معين، وفي الآخر أختفى بدون سابق إنزار وضاعت جميع مستحقاتك المالية، والكلام دا حصل معايا أنا شخصيا كتير.
من الخدمات اللي بيقدمها موقع مستقل على سبيل المثال:
- خدمات الموشن جرافيك
- خدمات صناعة الفيديو
- خدمات التعليق الصوتي
- خدمات الكتابة والترجمة
- خدمات كتابة الأبحاث
- خدمات التصميم والرسم
- خدمات البرمجة
- خدمات صناعة المواقع
- خدمات الدعم والمساعدة
وغيرها كتير جدا من الخدمات اللي ممكن تطلبها او تلاقيها عليه.
من الجدير بالذكر، ان صناع موقع مستقل هما نفسهم صناع موقع خمسات واللي بيوفر مستقلين عشان يعملوا خدمات مصغرة بتبدأ من خمسة دولار للخدمة، واللي هنتكلم عنه في تدوينة منفصلة.
Comments
Post a Comment