أهلا شباب،
مافيش شك إن أكيد كلنا عدت علينا فكرة إننا نفتح مشروع حتى ولو صغير، يمكن مع الزمن يكبر ويحقق نجاح ويبقى مصدر دخل لينا بعد التقاعد.
لا أنكر اني واحد من اللي كانو بيفكروا في الموضوع دا من سنين كتيرة ولكن كانت المشاكل اللي بتنحصر في صغر رأس المال اللي معايا، نوع المشروع اللي ممكن أحط فيه الفلوس ويحقق مكسب، طب لو هدخل شريك مع حد فهل هيكون محل ثقة؟ هل هيقدر يكبر المشروع؟ ماهو مفيش حد عاوز يحط ف مشروع ويخسر.
من هنا جاتلي فكرة الاستثمار ف البورصة، ليه ما احطش فلوس في شركة قائمة بالفعل، وفيها ادارة كويسة، وتقاريرها السنوية تثبت النجاح دا .. فبدأت أدور على شركات بتشتغل في مجال السمسرة في البورصة، وبالصدفة من سنة تقريبا لقيت قدامي تطبيق ثاندر للتداول في البورصة.
تطبيق ثاندر حقق بالنسبالي المعادلة الصعبة، قدرت أتابع أسهم الشركات اللي أنا مهتم بيها اونلاين، وأعمل إيداع للفلوس وأشتري عدد الأسهم اللي أنا عاوزها وأقدر أبيها وقت مانا عاوز، وكل دا من خلال تطبيق على الموبايل وانا قاعد فالبيت.
بدأت من سنة إني أعمل المحفظة بتاعتي وأتداول في البورصة واللي كانت بالنسبالي تجربة جديدة، وبالفعل في خلال أشهر بسيطة وبدون أي خبرة سابقة في مجال البورصة قدرت إني أحقق مكسب حوالي أربعة آلاف جنيه مصري، ومن هنا وانا بدأت أكبر في محفظتي وأبيع وأشتري أكتر.
بالرغم من إني حاليا خسرت حوالي ١٠ تلاف جنية من أصل فلوسي، واللي كان سببه تدهور البورصة خلال أزمة كورونا وبعدها حرب روسيا وأوكرانيا وتداعيات دا علي سوق الأسهم المصرية، ولكن ما زلت عند رأيي ان التطبيق دا يعتبر نقلة كبيرة في سوق التداول واللي هيساعد كتير من الشباب انهم يدخلوا برؤوس أموال صغيرة ويبدأوا حلم الاستثمار الخاص بيهم.
انتظرونا في تدوينة قادمة هنشرح فيها كيفية التسجيل في ثاندر وبدء عملية التداول وماتنسوش تقولولنا رأيكم في التطبيق لو كنتوا جربتره.
Comments
Post a Comment